اصنع فانوس رمضان بنفسك : طريقة صنع فانوس رمضان هدية لابنة محب الجنة

[محمد سعد حميده]

سنحاول معاً صنع فانوس رمضان

الأدوات المطلوبة منكم

ورق ملون ، مادة لاصقة و مقص

طريقة العمل :

اختر أي لون يعجبك من الورق الملون




ثم نثني الورقة لنصفين







بعد ذلك نقص الورقة

كما هو موضح لكم في الصورة





نحاول أن تكون المسافات متساوية بين كل قصة



بعد الإنتهاء من القص نفتح الورقة

بعد أن قصها فسيظهر لنا بهذه الطريقة




حاول أن تشكلها على شكل دائري حتى يسهل عليك لصقها




نفتحها ونضع المادة اللاصقة عند الأطرف الجانبية

كما تشاهدون الآن في الصورة




نلقصها بالطرف الآخر




نحاول تثبيتها حتى نتأكد إنها لن تفتح بعد أن وضعنا المادة اللاصقة




نأخذ ورق مغاير عما إخترناه مسبقاً

حتى نكمل عمل الفانوس

نقطع من الورقة على شكل المسطرة

ونثبتها بين الطرفين من القطعة مادة لاصقة كما ترون في الصورة



ثم نلصقها من الداخل حتى يكون لدينا يد أو علاقة نستطيع أن

نحمل بها الفانوس كما مبين لكم في الصورة




الشكل النهائي للفانوس





هذا فانوس آخر قد شكل بالأقلام



إن شاء الله نال العمل على رضاكم

وتحاولون تطبقونه




صور من تطبيق عضوة باحد المنتديات

[محمد سعد حميده]

و من احد المدونات هذا الفانوس
فانوسي صنع في البرازيل


السلام عليكم ورحمة الله وبركاته

ورمضان كريم
نظرا لأن السوق الصيني هنا ماعندهمش فوانييس رمضان
وكمان بالي اسبوع بدور على النت وعلمت سيرش نفضت فيه النت كله حته حته علشان طريقة سهلة لعمل فانوس رمضان ويكون فانوس كدة كبير ويملي العين وبصراحة بعد البحث والتنقيب لم اجد اي نتائج
علشان كدة فكرت كتير كتير وقررت اني اعمل الفانوس بنفسي

أول حاجة عملتها حضرت الأدوات كرتونة كبيرة ومقص ومسطرة وقلم رصاص واسكوتش وصمغ قوي وورق هديا واقلام ملونة



بعد كدة جبت الكرتونة وفتحتها بالمنظر ده


وبالمسطرة
ورسمة رسمة الفانوس على الكرتون عملت القاعدة عرض 25 سم والقمة 30 سم وقعدت بالقطر وباه عندي 4 قطع متساوية بالشكل التالي


بعد كدة تم لصق ال 4 مع بعض وبكدة بأه عندي قاعدة الفانوس بالشكل ده



نيجي بأه لقمة الفانوس الهرمية بالكرتون نقص 4 مثلثات ونلصقهم ببعض بالشكل التالي



نثبت القمة الهرمية على قاعدة الفانوس وهيكون عندنا فانوس بالشكل ده





نغلف الفانوس بورق الهديا بالشكل التالي



بواقي الكرتون بعد قص الفانوس تم قصها على اشكال نجوم وهلال وتلوينها تم تعليق النجوم في حواف الفانوس




وبأه عندي في الأخر فانوس كبير وده الشكل النهائي



قوللي بأه رايكوا ايه في فانوسي؟؟
وكل عام وانتم بخير

[محب الجنة]

شكرا استاذ محمد اهتمامك ببنتي
فانت برضه زي عمها وانا عاجبني قوي تصميم الفانوس الاول
بس انا بعد ما عملت الفانوس البنت اصرت تحط فيه شمعه
وانت طبعا عارف اللي جري بعد كده
نار نار في كل مكان فانا لقيت انه من الاسهل ان انا اشتري فانوس صيني لانه ارخص في التكاليف



بس انا ببشرك انا رجعت في كلامي لاني وجدت حل واخذت التصميم وركبته علي لمبه بتشتغل بالبطاريه
والبنت عاجبها قوي
وربنا يبارك فيك ويكرمك وتلاقيلي حل في موضوع الياميش والمكسرات
وعشا الغلابه عليك يا رب

[محمد حسن]

(19-07-2009 02:02 PM)محب الجنة كتب :  اخذت التصميم وركبته علي لمبه بتشتغل بالبطاريه
والبنت عاجبها قوي

تطور صناعة الفوانيس في مصر
فوانيسنا بتتقدم بينا

[محب الجنة]

الله يبارك فيك يا استاذ محمد وان شاء الله نقدر نطور فوانيسنا ونوصل بيها للقمر

[أحمد عبد العظيم]

تمام
كده ميه ميه
وفرنا في الفوانيس

مافيش فكرة لتصنيع الملابس من ورق الجرايد

[محمد حسن]

(24-07-2009 01:40 AM)أحمد عبد العظيم كتب :  مافيش فكرة لتصنيع الملابس من ورق الجرايد

ممكن من ورق شجر التوت
ينفع معاك ؟؟؟؟؟

[تحميل بدون تسجيل]

[الشيماء تاج الدين]

صور رمضان و توقيعات رمضان و تصميمات رمضان ... اللهم بلغنا رمضان
http://sokalarab.net/mb/thread-315.html

كيف نصنع زينة رمضان فى البيت ؟؟

http://damanhour.net/mb/thread-646.html


شاركوا معنا باقتراحاتكم .. فى رمضان

http://damanhour.net/mb/thread-672.html


اصنع فانوس رمضان بنفسك : طريقة صنع فانوس رمضان

http://damanhour.net/mb/thread-551.html


أسئلة ومسابقات للأطفال .. فى رمضان

http://damanhour.net/mb/thread-703.html

موسوعة أسئلة لمسابقات رمضان .. ( بنك معلومات متجدد ) ...

http://damanhour.net/mb/thread-699.html

[لؤلؤه]

مشكور اخى

والله على هيدا النقل المتميز